Дзяржаўная ўстанова адукацыі “Рымдзюнская сярэдняя школа”
аг.Рымдзюны, вул.Цэнтральная, д.59, Астравецкі раён
Профіль музея: агульнагістарычны
Музей распачаў сваю работу са студзеня 2023 года. У аснову яго экспазіцый леглі матэрыялы, назапашаныя вучнямі і педагогамі школы на працягу больш як 15 год. Асноўнымі накірункамі дзейнасці былі і застаюцца наступныя:
вывучэнне побыту нашых продкаў на падставе этнаграфічных прадметаў быту канца 19 - першай паловы 20 стагоддзя;
вывучэнне мясцовых матэрыялаў перыяду Вялікай Айчыннай вайны, сустрэчы з працаўнікамі тылу, догляд за магіламі ветэранаў, магілай невядомага салдата;
знаёмства з біяграфіямі мясцовых прадстаўнікоў творчых прафесій (ткацтва, жывапіс, скульптура, літаратура і пад.);
знаёмства з людзьмі краю – працаўнікамі сельскай гаспадаркі, вывучэнне гісторыі станаўленя калгасаў;
арганізацыя даследчай дзейнасці вучняў на падставе музейных прадметаў.
У музейных фондах налічваецца амаль 500 музейнх прадметаў, у т.л. асноўнага – больш за 330 экземпляраў.
Найбольш каштоўныя:
Прадмет |
год |
Аўсвайс нямецкі |
1943 |
Кніжка чырвонаармейца |
1953 |
Рэгістрацыйнае пасведчанне на промысел |
1957 |
Медаль “За победу над Германией” |
1946 |
Школьнае ўведамленне |
1939 |
Чаравікі самаробныя |
1966 |
Экспазіцыі музея:
- Ішла вайна народная
- Гісторыя краю ў грашовых знаках
- У бабулінай хатцы
- З гісторыі школы
- Зямля любові нашай
- Гонар нашага краю
- Ткацтва на Рымдзюншчыне – новая экспазіцыя, якая ўзбагацілася вырабамі мясцовых майстрых. Дываны, ручнікі, сурвэткі, нават разьба па дрэве – усё гэта можна ўбачыць у сапраўдным бабуліным куфры. Аздоба экспазіцыі – вытканыя нашай зямлячкай словы гімна беларускай дзяржавы.
Адмыслова праходзяць і экскурсіі па Марыінскай кальварыі – помніку культавага дойлідства 30-х гг.ХХ ст. Яны арганізуюцца як дыстанцыйна – у выглядзе фотарэпартажа ці відэафільма, так і з выездам на мясцовасць.
План работы школьнага музея “Крыніцы памяці” на 2023/ 2024 навучальны год
Дадатак да плана работы музея ў 1 паўгоддзі 2023/2024 навучальнага года (урокі памяці)